政情：公民講場：立會罵戰 鬥講「婊子」「狗奴才」

立法會議員謝偉俊（Paul）向來言論惹火，平時最鍾意同泛民主派議員駁火。尋日佢喺「剪布」閉門會議上，佢質疑泛民既不支持拉布，又要反對剪布，同「又要做婊子，又要拎貞節牌坊」冇分別。其實阿Paul打呢個比喻真係一矢中的，形容泛民對拉布嘅態度同立場，批評佢哋唔肯拉布又唔肯剪布，立場相當矛盾。雖然阿Paul只係打個比喻，並非真係話泛民中人做婊子，更加唔係針對女性議員，但就惹來泛民女議員嘅不滿，要求佢道歉。不過，同場亦有議員鬧阿Paul係「狗奴才」，所以誰是誰非，相信自有公論。