「家是香港」早前搞個全城清潔運動，十幾個高官齊齊拎住掃帚同毛巾落區做騷。為咗唔好輸畀班高官，立法會議員蔣麗芸（阿Ann）都有樣學樣，但佢唔係攞住掃帚掃街，而係自拍短片反映後巷衞生好惡啃，提醒市民注重衞生。今次阿Ann特別搵埋該黨深水埗區議員鄭泳舜視察當區後巷嘅惡劣衞生情況，同班高官落區清潔嘅環境真係差天共地，佢仲要七情上面話情況令人擔憂，搞好衞生就唔驚被病毒「侵犯」喎！
