出名溫和 要質問特首
每次答問大會都係議員同特首針鋒相對嘅黃金機會，但今日場答問大會好大機會悶到抽筋，因為單睇未問過嘅議員，好似陳鑑林、醫學界梁家騮、鄉議局劉皇發等，聽個名都覺得悶。正當大家認為，仲有一個泛民議員可以肩負起質問特首嘅責任，大家就錯喇，因為呢個係白鴿黨單仲偕（先刂雞），佢出晒名溫和，劏雞都冇力，如果泛民靠佢，真係同望天打卦無分別，唔知會否忽然神勇強硬起來呢？
其實答問大會變成苦悶大會，最辛苦唔係市民，而係一班旁聽官員，佢哋唔單止唔可以搵周公，仲要扮聽到津津有味，難度之高，冇番咁上下經驗都好難做到。