港鐵大堂餐廳雀鳥任闖
「啲雀仔一啲都唔怕人，我嗰日喺度食晏，就有幾隻飛咗入餐廳搵食！」袁先生經常到設於港鐵紅磡站大堂內的食肆用膳，發現車站範圍內竟常有麻雀聚集並在地上尋找食物，更會飛到餐桌上啄食客人剩下的食物碎屑。袁指車站大堂內設有多間食肆，擔心雀鳥會影響衞生，「依家內地有禽流感，同啲雀咁近距離接觸，容乜易中招？」
港鐵發言人表示，車站一直有採用多項驅趕雀鳥措施，包括定期放置有效驅趕雀鳥的儀器及物質，以及在玻璃門貼上反光膠貼等，避免雀鳥由室外飛進車站。發言人又強調，會定期檢討各項措施成效，在有需要時加強相關措施或考慮引進其他方法。
「嗰度幾年前開始已經有雀仔，如果港鐵啲儀器有用，一個星期都見效啦！」袁先生直斥港鐵有敷衍市民投訴之嫌，認為事件危及公眾健康，要求認真處理，並盡快採取有效措施驅趕雀鳥。