政情：公民講場：拉布放生貪湯 罪毛可恕

立法會保安事務委員會原定喺下周二開會，議程包括公審前廉政專員「貪湯」湯顯明任內嘅各種揮霍同貪腐行為，但由於社民連梁國雄同人民力量三子正就預算案進行拉布，立法會大會需要不停站開會，搞到多個委員會會議都被迫取消或改期讓路，其中保安事務委員會就要押後到五月廿三日先有檔期召開，令貪湯有多兩星期時間度橋應對。記得去年立法會歷史性提出彈劾動議，要求徹查「貪曾」前特首曾蔭權爵士嘅貪盡海陸空醜聞，亦都因為泛民主派就政府架構重組拉布而無法辯論同表決，變相放生咗貪曾，估唔到咁快又歷史重演，認真離譜。