政情：公民講場：謝偉俊「借奶」出位

由功能組別成功轉戰直選，謝偉俊絕對唔係省油的燈，每次佢都搵到機會挑戰政府。好似尋日咁，明明限奶令就嚟到期，政府亦唔打算重新提出修訂，偏偏謝偉俊就喺呢個時候話申請提出「限奶令」私人條例草案。其實喺分組點票嘅制度下，私人條例草案根本無可能通過，「限奶令」連條例都唔係，只係一條規例，提私人草案更加嘥氣，完全係姿勢多過實際。但謝偉俊明知係無米粥都要提出，似乎係想豐富自己嘅「抗爭」履歷，到時到候可以同選民交功課，又唔怕得罪政府。呢招「高高舉起、輕輕放下」已經唔止一次，私人草案提唔提得成，且看下回分解。