財政預算案拉布戰未開始，泛民主派同建制派已經展開牙骹戰。議員譚耀宗尋日率先出招，話拉布會影響民生福利措施，希望部分議員唔好為「出位」或一己政治私利，為社會帶來危機。就係因「出位」呢個形容詞，表明唔參加拉布嘅公民黨毛孟靜忽然懶正義咁出聲，話拉布喺國際上其他議會，屬合情合法合理嘅議會手段，建制派有權唔認同，但都要尊重喎。毛孟靜講到拉布咁合情合法合理，點解佢又跟住個黨唔參與拉布呢？
（黃仲民攝）
