政情:八網難逃:慢必牛一好「友」禮

立法會議員陳志全(慢必)尋日做壽星仔,但成日都要開會,認真慘情。好彩慢必朋友多,個個都喺社交網站祝佢生日快樂,其中一位好友袁彌明(Erica),就算人唔喺香港,仍然喺社交網站貼咗張同慢必去年選舉後去蘇梅島旅行時影嘅合照,以示掛住慢必。咁慢必點過生日呢?佢話由早到晚都要開會,只係利用中午時間快快同位男友人去太古廣場食飯,仲收到一條皮帶做生日禮物添,非常開心。究竟送皮帶嘅友人係咪傳聞中慢必嘅男朋友呢?慢必話當然唔係啦,但佢隨即又笑到甜絲絲話:「哈哈,我都想呀!」

(互聯網)

第一手消息請下載on.cc東方互動iPhone/iPad/Android/Windows Phone Apps