立法會議員鍾樹根尋日喺社交網站上載咗一個以「當樹根遇上樹根時」為題嘅留言，仲分享咗幾張相。
相中除有真人樹根外，仲有畫中嘅樹根，而真人樹根就舉晒拇指，做晒勝利手勢咁，莫非佢因為樹根咁有藝術價值，而覺得好威水？
樹根回應話，佢嗰日其實係去大會堂，為香港油畫研究會主席林鳴崗畫展剪綵，喺二十多幅以大自然為題材嘅油畫入面，竟然有十幾幅都係畫樹根，咁切合自己個名，咪同啲油畫合照囉。咁點解要特別揀呢幾幅畫呢？佢就話，全因有感而發，因為呢幾幅油畫入面嘅樹根特別粗壯，且有穩固嘅根基，就好似服務基層市民咁，都要有好好嘅基礎，紮實地做服務咁話。