店舖流出污水臭氣熏天
「間舖不停咁流啲污糟水出嚟，已經流咗好多日，咁耐都仲未有人理！」何先生經常行經深水埗欽州街，指上址有店舖連日來不斷有污水從鐵閘流出並夾雜污物，波及大片行人路，令附近一帶衞生環境惡劣，臭氣熏天，不少途人亦告「中招」，「我有次行過嗰陣唔小心濺咗啲臭水，搞到條褲污糟晒！」
食物環境衞生署發言人表示，派員調查時發現上址店舖有水滲出，由於店舖大閘鎖上，令職員未能入內視察，重申該署正聯絡有關業主，亦已加強清洗上址，以確保環境衞生。
渠務署發言人則說，接獲本報轉介後曾派員檢查上址公共渠道，並無發現淤塞情況，經向附近地舖負責人查詢後，得悉有店舖內置污水渠早前出現淤塞，引致污水流出行人路事件。發言人稱，有關店舖負責人向該署表示已將淤塞渠管修妥，該署職員視察當日已再無污水流出。