手揸美國單位升值三成
出任全國政協委員多年嘅明明姐今年三月正式卸任，上月初自然唔使再到北京出席「兩會」，不過咪以為明明姐呢段時間會較為得閒，查實佢呢段時間都好忙碌周圍走。明明姐話，自己趁「兩會」期間去咗美國，視察吓佢前年買落嘅單位，原來兩年之內，個單位已經升值咗百分之三十，並有租客承租，另外佢囡囡亦都喺美國買咗個單位同屋企人住。
當問及港府接連出「辣招」會否影響投資意欲時，一向對投資樓市好有眼光嘅明明姐直言「梗係有喇」，暫時都無意購買香港物業，又話會睇多啲香港以外嘅樓房喎。明明姐對於投資咁謹慎，唔知對買皮草係咪都一樣呢？佢坦言近期比較少睇皮草，因為最近天氣都比較和暖喎。