中環出更：周振基為潮州鵝肝破戒
商會應酬多，潮州商會會長周振基（Stephen）上任快一年，都肥咗幾磅。佢向來食得清，戒食動物內臟，不過早前帶隊訪潮汕三市，面對肥美鵝肝，忍唔住破戒一次。
與妻學「排排舞」健身
三日兩夜嘅考察團由Stephen帶隊，同行仲有佢公子周博軒、副會長張成雄同林宣亮等。此行除咗參觀潮汕名勝古蹟，唔少得品嘗地道螄蛤、凍蟹、蝦丸、煎蠔餅、鵝肝等。原來Stephen戒食內臟廿幾年，但睇見潮州鵝肝咁新鮮，終於破戒夾咗一片，回味無窮。
周太錫住老公，經常叮囑佢少飲汽水，又安排佢定期驗身，最近一次檢查結果，「成績」靚絕，秘訣原來係每周健身，周太近日仲拉埋老公齊學「排排舞」，夠晒Sweet。
講番商會大計，Stephen話，計劃嚟緊六月考察昆明，秋天又會去星馬拜訪當地「家己冷」，有排忙嘞。
卓妮