稱有私人事務要做
有份出席民建聯北京酒會嘅人大政協形容，Starry喺酒會期間「滿場飛」，講笑話好似去年九月立法會選舉後，出席各大團體活動時謝票咁。既然有出席者講到咁繪影繪聲，我哋當然要搵Starry求證下真假。Starry接受查詢時坦承，自己去年無出席民建聯酒會，今年主要係自己有興趣所以出席，不過除此以外有啲私人事務，所以前後大約逗留咗七日，呼籲大家唔使有太多揣測喎。至於「私人事務」有幾私人，究竟係啲乜嘢事務，佢就無講嘞。
民建聯領導層換屆在即，加上京官亦換上新面孔，Starry此次上京，期間會否見到啲京城重量級人物，真係只有天知地知，同埋Starry自己至知喇！