新聞故事：阻做生意被人鬧
夜墟自有一套秩序。原本在深水埗擺檔的攤販，面對一班年輕人「踩場」，不但不欣賞，更因「阻住做生意」而破口大罵。然而，一眾搞手卻不以為然，轉場食糖水慶功，一於話知你﹗
「Hey buddy! How are you?」活動當天人頭湧湧，志趣相投的設計師相遇，擁抱寒暄、拍照留念，大南街擠至水洩不通。夜墟秩序受干擾，在旁的攤販斥責他們「攪亂檔」、「阻住地球轉」，有人怒目相向，有人叉腰大罵，最後更被投訴聲浪過大，驚動警方到場，人人執包袱離去。
稱太有秩序會變單一
短短一小時的派對結束，卻未損搞手興奮心情，轉場慶功。「我哋唔係想刻意搞太多嘢，只係想參與同支持，今次吸引咁多人嚟，證明夜墟文化係有空間存在！」Jeff指，夜墟文化不應被過分監管，「太有秩序」只會令香港走向單一化。也許，和而不同才是夜墟秩序。