政情：有相為證：三長毛衝擊「波」
政府將九龍塘前李惠利校舍南面地皮納入來年度賣地計劃，日前發展局局長陳茂波去黃大仙出席一個地區論壇時，就同時被三個長毛衝擊。點解長毛都有三個咁多？話說當日除咗社民連同公民黨黨員到場外，浸會大學學生亦在場示威。
期間先有「長毛」梁國雄攞住啲寫有寸罵政府「計錯數」嘅示威牌，企喺陳茂波面前，所以佢好快就被趕離場，更估唔到最激嘅係兩名來自浸大嘅小長毛。呢兩名長毛趁陳茂波離場時，用一匹寫有「為你為我，我為李惠利」嘅黑布阻擋佢去路，其中一名更瞓喺車頭，阻攔陳茂波嘅座駕駛走。睇嚟政府真係要認真處理好呢件事喇。
