政情：李澤鉅藉寓言討論和諧
長實董事總經理兼副主席李澤鉅（Victor）日前出席「長江BBA營」，同幾百位香港教育學院學生對談，講咗個狐狸嘅故事，同和諧有關。故事講四個朋友一齊去狩獵。甲君只顧瞓覺，無出外覓食；乙君打獵一天卻無所獲；丙君獵得幾隻小鳥，丁君獵得一隻狐狸。
Victor就問，應該點分配嗰隻狐狸好呢？問題引發學生熱烈討論。咁到底點分先啱？Victor無畀答案。佢話，每個人有唔同文化背景同思想，對點樣先係和諧，有唔同見解。所以要達至和諧，並無方程式喎。
找出錯誤修正才成功
同學亦向Victor請教對成功嘅睇法，Victor就話，世界上無絕對成功嘅人，如果自覺成功，其實係失敗嘅開始，佢話人生就係一連串嘅失敗，但只要找出自己嘅錯誤和不足之處，從而學習、領悟及修正，咁至係成功之道。
「長江BBA營」由長實同教院合辦，BBA全名係Briefing on Business Administration，包括多場講座，向同學講解商業及市場嘅概念。