爆水缸如落雨水署懶理《東方》轉介即搞掂
「個缸爆咗成個星期喇，日日都好似落雨咁，都唔知幾時先有人嚟整！」居於旺角西洋菜街的陳小姐發現，大廈附近有後巷儲水缸破損，大量食水從天而降，向水務署反映近一星期仍未見解決，又指有關後巷通往不少食肆後門，擔心漏水問題不但浪費食水，更會孳生蚊蟲，影響環境甚至食物衞生。
水務署發言人稱，接獲轉介後曾派員到現場視察，發現有大廈儲水缸漏水，已即時要求管理處盡快維修，工程其後已經完成。
陳小姐證實有關儲水缸現已修妥，後巷地面亦回復乾爽及整潔，「之前同水務署投訴咗咁多日都冇人嚟睇，一搵《東方》就即刻嚟整，證明政府部門做嘢真係好有問題，點解吓吓都要市民同傳媒投訴先至做嘢？」