政情：英祿他信兄妹相逢？

唔知英祿今次來港，除咗進行官式訪問外，會唔會私下同哥哥、前泰國總理他信見吓面呢？

哥哥經常在港現身

早年因政變同貪腐問題下台、至今仍流亡海外嘅他信，經常畀我哋影到佢現身香江瘋狂購物同見朋友，去年更有報道指佢喺香港購入咗大批豪宅，包括盛傳以約二點一億港元購入山頂一個物業，以及嗌價五十五億元收購尖沙咀百樂酒店等，但佢就澄清話好多物業都係啲囝囡早年喺香港買落，唔屬於佢名下喎。

不過無論幾有錢都好，返唔到自己國家始終係一大遺憾。佢妹妹英祿承繼兄長當選總理之後，曾經有報道指他信將有望回國，但最後因為各種政治因素而無辦法實現。

如果有機會趁今次妹妹訪港，一家人喺香港見吓面、敍吓舊，都總算係還咗一個心願吖。