相信好多人都想知，政制及內地事務局局長譚志源同副局長劉江華係點分工嘅呢？不過，睇完呢幅相或者會有啲眉目。話說前日立法會討論落實雙普選議案，正副局長首度一齊現身議事廳，並肩而坐，我哋就見到劉江華好似上司向下屬訓話咁，手指指兼一輪嘴同譚志源講嘢，令人產生無限想像。不過，睇佢個招牌表情，已勝過千言萬語，好難令人覺得佢係噓寒問暖，或是善意關心囉。
