政情：王賢訊夫婦 行街收情報

仁濟醫院總理王賢訊（Vincent）同太太朱穎詩（Vincci）婚後依然甜蜜蜜，早前一個下午，卓妮見佢哋手拖手好悠閒喺商場漫步，後來行入一間書店嘅兒童讀物區，喺書架上拎起一本本書慢慢睇，又指手畫腳，細聲傾講，唔知係咪幫兩歲囡囡買書呢？佢哋喺書店逗留咗一陣就離開，跟住到對面戲院研究有咩電影上畫，然後排隊買飛，話咁快就買到心水戲飛。
王賢訊（左）及太太朱穎詩（右）行書店，喺兒童讀物區駐足良久。（溫國佳攝）
王賢訊（左）及太太朱穎詩（右）行書店，喺兒童讀物區駐足良久。（溫國佳攝）

將出版新書

卓妮上前打招呼，先知道原來Vincci嘅第一本書即將出版，當日特意去收集最新情報。佢本創作係講述神仙狗嘅故事，今次只係完成第一集，以後陸續有來。Vincci話，早幾日急不及待將初稿畀讀小學嘅表妹表弟睇吓，試吓水溫，估唔到佢哋一晚就睇晒，仲追住要睇第二集，令佢信心大增。至於喺去年書展搶先一步躋身作家行列嘅Vincent，亦度緊橋寫新書，仲話今次唔會再用筆名，一於用真名上陣。

王賢訊夫婦行完書店買飛睇戲，夠晒恩愛。
  • 王賢訊夫婦行完書店買飛睇戲，夠晒恩愛。

第一手消息請下載on.cc東方互動iPhone/iPad/Android/Windows Phone Apps