政情:陳文綺慧話蛇年平穩

自從車公下籤再現,好多人都對今年嘅境況不予厚望,但東華三院主席陳文綺慧(Viola)就從政治角度分析,認為蛇年冇選戰,香港嘅局勢反而較去年平穩喎。Viola話,因為去年係選舉年,候選人互爆黑材料,導致人心躁動,社會分化,爭吵不絕,反觀今年冇選舉,各方理應偃旗息鼓,所以蛇年應該平安大吉,唔似得龍年咁動盪。

做好投資抗通脹

Viola又話,有官員或鄉紳為香港求得下籤並非首次,好似前民政事務局局長何志平求得下籤後,雖然該年香港諸事不順,但係港人還是照舊捱過,由此可見求得下籤並非末日,況且佢睇過一啲玄學家嘅運程書,對於今年嘅預測都係較為正面,故此蛇年新開始大家都要樂觀啲。

踏入蛇年,Viola嘅東華三院主席任期即將屆滿,佢話退任之後空閒時間較多,會重新制訂個人投資計劃,以防身家財產被通脹所蠶食,亦會致力增肥以期望臉龐更見豐腴。至於佢喺東華學院嘅校董會主席職務則會繼續保留,期望為作育英才獻一分力。

第一手消息請下載on.cc東方互動iPhone/iPad/Android/Windows Phone Apps