公園動工無期 養草14年

「好多年前已經講話會起公園，點知等咗咁多年笪地都未郁過！」陳先生指多年前已聞悉政府會於一鳴路興建寵物公園，並有兒童遊樂場及健身站等設施，惟預留用地至今仍雜草叢生，直斥相關部門「慢到離晒譜」，「當初街坊覺得唔夠康樂設施先有咁嘅計劃，點知得個講字！係咪要等到民怨爆煲先開工？」

當局曾承諾前年落成

當區區議員姚銘證實，有關計劃曾出現於立法會文件內，當局更曾承諾於一○年中動工、一一年底落成啟用，現卻「連樓梯響都未響過」，令街坊大為不滿，「政府成日話冇地，依家有又唔用，拖咁多年都唔開工，搞到建築成本愈嚟愈高！」姚又指區議會曾多番催促，但當局仍拒絕透露施工時間表等詳情，「好似唔想交代咁！」

政府早年選址粉嶺一鳴路興建公園等設施，至今仍動工無期。

原定前年底完工的工程至今仍未動工，姚銘直斥當局辦事不力。

姚銘指北區人口眾多，對康樂設施需求殷切，不滿當局未有急巿民所急，「好似好多養寵物嘅街坊咁，都想喺粉嶺有個寵物公園，依家最近都要去到上水先有，唔通下下搭的士過去咩！」

寵物主人嘆等得耐 王太：「狗仔未出世已經聽講話會起寵物公園，唔通依家要等佢過埋身先起好？」

曾先生：「我住嗰個屋苑起碼有成百隻狗等緊呢個寵物公園，政府啲效率真係好差！」

拒絕回應施工時間表

康文署發言人承認，有關計劃由該署及建築署負責，擬建設施包括園景休憩處、有蓋太極園、兒童遊樂處、健身站、長者健身角、寵物公園及緩跑徑等，強調每年均會就工程進度向北區區議會匯報。建築署發言人則稱，目前有關項目的深化設計已經完成，康文署會按各項工程的優次作出跟進，務求早日落實項目。不過，對於工程延誤原因及施工時間表等問題，兩部門均未有正面回應。

北區地政處證實，有關土地於九一年底後曾被當局建議用作公園用途，惟及後計劃被擱置，其後又接獲相關部門通知，在上址進行勘察以準備興建公園，但未能提供相關時間。

「做唔到就唔好開空頭支票！」立法會民政事務委員會委員王國興直指涉事部門的辦事效率及態度「不可接受」，處事更欠透明度，「地區工程最直接影響民生，公眾有權知道最新情況，但最重要都係工程快啲上馬，等市民快啲有得用啲設施！」

記者：朱廣華