中環出更：雷添良歎茶不忘愛女
早幾日年初三赤口，好多人都暫停拜年活動，而港區全國人大代表雷添良（Tim）亦遵從呢個習俗，當日下午四點幾鐘，卓妮就見佢同太太現身金鐘太古廣場行街兼歎茶，清清靜靜過咗一日。Tim雷打道回府嘅時候，仲不忘買兩件蛋糕，原來係做廿四孝爸爸買畀留喺屋企嘅寶貝女品嘗，相信佢囡囡會感到又甜又窩心。
買蛋糕速遞家中
當日初三沙田跑賀歲馬，雖然Tim雷對賽馬好有興趣，但鑑於太多馬迷湧入馬場，佢話寧願留待今日相對冇咁「熱鬧」先至再入場喎。當日Tim雷同太太喺商場四處閒逛，仲撐抬腳歎High Tea，就喺歎茶嘅時候，佢品嘗到一件香蕉杧果蛋糕，覺得非常好味，於是掃清店內僅餘嘅兩件蛋糕，話要親自「速遞」畀留守閏中嘅囡囡咁話。