探射燈：火燄菜式搞噱頭勁危險
酒吧熱推「煙花香檳」，市面亦有以火燄作噱頭的菜式，在客人面前點燃食物，極盡視覺效果，惟卻潛存火警危險。業內人士承認，不少食肆為搞新意思而構思不同火燄菜式，但提醒在提供該些帶火菜式時，要確保是由有經驗或受過訓練員工主理，免生危險。
資深廚師主理較穩陣
香港餐飲聯業協會會長黃家和表示，火燄菜式是用來吸引顧客的噱頭，廚師或資深侍應在客人面前，用酒精在食物上燃點火燄，「好多時都會用拔蘭地或者威士忌呢類酒精濃度較高嘅酒，直接淋上食物上面點火，或者係個廚師喺客人面前用酒烹調，有得睇又有得食，對客人有一定吸引力。」
現時本港並無法例監管食肆提供的火燄菜式，黃家和認為燃點火燄有一定程度的危險性，呼籲食肆小心處理，最好直接由廚師主理，或由較資深或受過訓練的人員負責，確保食客安全。