新民主同盟亦深明此入屋之道，部分揮春仲嚴選金油寫成，市民收到金光閃閃嘅揮春固然興奮，但寫嘅人亦會愈寫愈興奮，事關不斷吸入金油嘅天拿水味，搞到新民主同盟議員范國威（Gary）吸到High High哋。
用金油要「企硬」
Gary話，由於金油要用天拿水開稀，所以寫手一般索咗一個鐘頭後就會好興奮，每寫一段時間就要「企硬」，休息一下，呼吸吓新鮮空氣，清醒頭腦。不過，聽Gary講新同盟唔少成員都有紮實嘅「區佬底」，寫揮春經驗非常豐富，仲會開班授徒，靚字之人輩出，呢個人休息咪其他人頂上囉。不過，字靚就話最好可以閃足一年啫，如果寫得唔靚嘅話，都係無謂冒索天拿水嘅風險用金油喇！