政情：公民講場：海洋公園賣奶粉 「智」恨未成事
內地旅客同水貨客喺香港周街搶購奶粉，令唔少本地媽咪買唔到足夠奶粉畀BB食。其實最早預見呢個問題嘅，可能係海洋公園主席盛智文，事關佢早喺兩年多前已向政府建議喺海洋公園內賣奶粉，等啲去完海洋公園玩嘅內地旅客，唔使專登再走出市面撲奶粉，可惜最後因為遭到立法會反對而擱置。對於最近有建議加緊限制內地旅客來港，盛智文尋日同傳媒聚會時強調，香港始終係一個旅遊城市，內地人唔來香港，仲有大把地方去，呼籲香港人唔好一刀切趕絕內地旅客喎！盛智文咁叻洞悉先機賣奶粉，咁大家係咪要聽吓佢講呢？
