政情:今日你上鏡:「定」過抬油

尋日開始陸續傳出新政協名單,其中醫院管理局主席胡定旭(肥胡)有望做政協常委,咁啱我哋尋日午飯時間前,就遇到肥胡喺中環歷山大廈一間咖啡店好休閒咁歎咖啡,佢笑口噬噬好風騷,莫非因為喺政協名單榜上有名?問肥胡飲咖啡有乜喜好,佢就話平時只係飲普通咖啡,冇乜特別要求。原來兩年前有位醫生睇完醫療雜誌後,介紹佢一日飲一杯咖啡,話對保持心臟同血管健康好有益處,佢就當咖啡係苦茶用來保健喎,真係唔知佢講真定講笑。

(葉華英攝)