九龍城周街渠洞陷阱

銅鐵有價有市,繼公屋「水線」甚至「地線」皆成偷鐵黨獵物後,露天渠蓋亦不能幸免。九龍城近日接連發生渠蓋被盜事件,逾十個鐵渠蓋不翼而飛,失去渠蓋覆蓋下,直徑闊逾一呎的渠口頓成行人陷阱。面對政府物資被盜,部門竟束手無策,僅稱會加強巡查及呼籲業界切勿回收「贓物」。立法會議員直斥當局執法力度不足,要求警方加強緝盜力度,保障行人安全。

愛犬險跌死 狗主斥危險

九龍城沙浦道入夜後燈光昏暗,但仍有不少愛犬人士會帶同狗隻散步。徐小姐早前與愛犬途經上址時,愛犬竟「差錯腳」險墮水渠,始發現路上多個渠蓋不翼而飛,「嗰晚行行下隻狗突然差錯腳差啲跌咗入個窿度,拖番佢上嚟都嚇到佢呆咗幾個鐘,睇睇下先見到條街冇咗成六塊渠蓋!」翌日,徐路經時更發現附近路邊渠蓋同樣不翼而飛,只見路政署以「雪糕筒」及鐵欄圍封渠口,斥有關做法無助保障途人及動物安全。

路政署發言人證實,上址去年十一月逾十個鐵渠蓋遺失,已即時圍封及安排承建商重置,以保障道路使用者安全。發言人續稱,自○四年開始已在鐵製渠蓋刻上工程合約編號及製造廠商名稱,以便識別為政府公物,以防止及打擊盜竊公物行為,並就事件知會警方。

警方發言人則強調,已派人手巡邏有關黑點,並向相關部門提供防盜意見,呼籲回收廢鐵業界勿回收可疑物品,去年在九龍城分區共錄得兩宗鐵渠蓋盜竊案。至於成功拘捕在案人士與否,發言人則未有回覆。

「警方真係要拉到人先真係起到阻嚇作用!」九龍城區區議員吳寶強指出,即使當局已在鐵渠蓋刻上標記以助警方撲滅罪行,但認為警方倘未有積極杜絕變賣贓物渠道,一日未將賊人繩之於法,將難起阻嚇作用。吳建議當局可着手研究以其他物料取代鐵製渠蓋,以杜絕「偷鐵黨」盜竊。

議員促警加強緝盜力度

立法會民政事務委員會委員王國興則認為,重置鐵渠蓋需動用公帑,而鐵渠蓋遺失期間亦會危害途人及動物安全,要求警方加強追緝力度,並從不同渠道部署緝盜,否則將變相縱容「偷鐵黨」再三犯案,「偷渠蓋呢啲咁大型、咁重嘅嘢,仲要偷成十個咁多,應該都好張揚,警方冇理由冇佢符!」

記者:黃芷君

攝影:阮佩君

第一手消息請下載on.cc東方互動iPhone/iPad/Android/Windows Phone Apps