民主黨何俊仁去年被東方報業集團揭發佢開公司唔申報，佢尋日又再被揭發喺公司註冊上報咗公司地址，而唔係法例規定嘅家居地址。佢尋日解畫話，佢一直如實填報自己嘅居住地址，可能係同事搞錯，又話不論喺修訂公司法上嘅立場如何，佢都唔係刻意隱瞞。佢仲好賴皮咁話，「大家都知我有好多間公司o架喇」，呢啲都係畀東方揭發出嚟，唔到佢唔認嘅事實，唔通蛇年到，做人都特別軟皮蛇？佢仲建議公司註冊處加強執法同檢查，向虛報地址嘅人加收手續費。咁咪即係將自己嘅責任，推喺政府身上？
