洗手間相遇遭睥住 女藝人「車車」：好恐怖
【本報訊】「我覺得好騎呢囉！有人齋着底衫褲四圍走！」女藝人張紫櫻「車車」，事發時恰巧於洗手間與「艷女」撞到正，她憶述：「我望一望佢，佢係咁睥住，我真係好驚呀！」之後對方風騷地走出大堂，當時十分哄動。「艷照」事件亦引起網民議論紛紛，有人坦言：「晨早流流見到奇景！」另有網民認為目擊者應即時報警。
車車於事發當日正準備與友人登機飛往台灣旅遊，當她在洗手間梳洗期間，即見到該名內衣「艷女」出現。她感好奇窺視對方面貌時，少女卻投以凌厲目光，坦言：「佢好似鬼上身咁！係咁睥住我！好恐怖！」其後少女撥弄秀髮，風騷「行貓步」走出大堂，她並說「佢真係好奇怪！不過唔傷害人都冇事嘅！」
網民：咁好彩見到奇景
有旅客拍下少女「艷照」上載互聯網，引發網民熱話，有人稱：「咁好彩！晨早流流見到奇景！」有眼利的網民發現少女背有紅痕，質疑：「佢係咪畀人打劫？好似畀人打過喎！」亦有網民關心艷女狀況，詢問：「有冇人埋去幫佢？」又呼籲「見到佢就即刻拎衫畀佢着啦！」