政制及內地事務局副局長劉江華上任後鮮有公開露面，日前終於出動，但原來係單拖去買電話充電器。話說當日晚上六點半鐘，劉江華走入太子大廈某電器舖，見舖頭負責人拎住佢部電話搞咗一輪，之後佢就臉帶笑容咁離開舖頭。
劉江華自爆最近買咗部新電話，但唔知點解舊電池充極電都充唔滿，所以攞嚟畀人睇吓，發現可能係用咗舊款嘅充電器。咁點解買新手機仲要用舊嘅充電器嘅？劉江華就講來講去都解釋唔到，莫非佢部新手機另有暗病唔講得畀人聽呢？抑或好似個廣告咁，佢唔識將舊機資料過落新機呢？（徐家浩攝）
