新春將至，又係各級議員出動為街坊寫揮春嘅時候。不過現今世代，唔係人人揸起支毛筆，寫嘅字都見得人。立法會議員葉劉淑儀貴為行政會議成員，佢嘅拜年橫額已經掛咗出街，社交網站亦貼咗佢努力寫揮春嘅相，佢囡囡榮欣都喺度幫手，爭在未為媽媽磨墨做書僮。葉太誠意可嘉，見佢支毛筆都十分講究，不過網民就潑咗少少冷水，加評語話葉太揸毛筆嘅姿勢，有啲西人style。究竟佢啲字寫得好唔好，社交網站無貼出嚟，唔知係唔係仲未練習好呢？
