政情：有讀者爆料 袁彌明同廉署阿Sir聚舊
港姐出身嘅人民力量成員袁彌明（Erica）經常成為傳媒焦點，繼早前捲入男義工求愛不遂風波後，今個月十六日喺銅鑼灣同男伴食晚飯嗰陣又被記者撞到正，但兩人火速彈開，予人感覺佢哋關係非比尋常。之後有讀者爆料，話原來呢個高大威猛嘅四眼型男，係廉政公署執行處阿Sir，主要負責部門嘅電腦鑑證及資訊系統等工作，可以話係文武兼備，又據聞呢位阿Sir已經結咗婚！
傳二人係同學
佢哋張相見報後，廉署上下立即議論紛紛，記者致電Erica，佢就話no comment（無可奉告）！不過，佢身邊嘅朋友就叫大家千祈唔好誤會，皆因呢位四眼型男同Erica係同學，兩個比較好傾啲啫，純粹好朋友食餐飯啫，仲話鬼妹仔性格嘅Erica成日都會約朋友食飯，都唔理係男定女，希望大家唔好亂估喎，如果搞到人哋屋企人誤會，就唔係幾好啦！