領匯延修電梯 長者焗撐
扶手電梯封閉近兩個月，領匯被指拖延維修。陳伯指樂富廣場其中一條扶手電梯封閉多時，一直未有進行維修，令原本有上有落的扶手電梯只餘上行方向，長者需長期「撐樓梯」前往港鐵站，「成兩個月都唔整，搞到啲老人家一拐一拐落樓梯，到底有冇體諒過我哋呢啲老人家？」
「一停就停三個月」
領匯發言人表示，有關扶手電梯於去年十二月上旬因扶手帶突然損壞要暫停運作，訂製扶手帶約需時三個月，而整項維修工程預計可於二月份內完成。發言人又稱，扶手電梯停止運作期間，另一扶手電梯、旁邊之樓梯及其他升降機皆保持運作，於繁忙時間亦會安排職員協助有需要人士。
「壞先嚟訂，一停就停三個月，點解唔訂定一啲做後備！」陳伯直指領匯管理未有顧及客戶需要，亦未能方便市民購物，期望領匯改善。