中環出更：仁愛堂大搞慈善奧斯卡

當晚仁愛堂一班兄弟姊妹配合主題，化身西洋型男索女，副主席陳鄭玉而（Connie）同歐雪明（Clarea）心靈相通，齊齊做紅粉佳人。卓妮見Clarea手上藍寶石鑽錶閃閃生輝好養眼，原來係自家設計，再搵名牌廠商幫佢鑄造，全球只此一隻。Clarea話閒時仲喜歡設計戒指、耳環等首飾，咁有設計天分，唔知佢會否進軍珠寶生意呢？

史家仔女成善團「搶手貨」

另一位副主席史顏景蓮同做過主席嘅老公史立德及囝囝Kenneth齊現身，但愛女Kathleen身在內地工作未能出席。問佢兩夫婦都咁熱心做善事，會唔會拉埋仔女加入呢個大家庭呢？史太就話一對仔女仲考慮緊，事關有其他善團都想邀請佢哋加入，證明依家慈善團體籌款艱難。

英國樂隊Pink Floyd親筆簽名電結他及電影《Titanic》劇照珍藏。	仁愛堂副主席李愛平（前右）踴躍競投，身為老友嘅立法會議員張華峰（前左）當然要現身支持啦。	黃達東（右）與容永祺（左）係同鄉兼多年老友。（溫國佳攝）

前主席蔡黃玲玲同老公蔡金山、前總理丁鵬雲（Raymond）、諮議局委員莊舜而及卓歐靜美等都有捧場。做紅酒生意嘅Raymond冠名贊助活動，更拍心口包辦全場紅酒，認真唔話得。卓妮仲見到全國政協委員容永祺，原來佢同主席黃達東係江門同鄉，特別同聲同氣。

卓妮