餐廳又霸道 剃食署眼眉
旺角長旺道有食肆長期非法擴展經營，街坊楊先生指食肆嚴重阻街，去年曾因此被吊銷牌照，惟恢復經營後即再次重犯，認為食環署有被「剃眼眉」之嫌，「啲舖頭舊年先畀食環署釘過牌，依家又擺晒啲枱櫈喺條路度，根本就係畀罰款當交租，搞到我哋班街坊要兜路走！」
曾釘牌 罰款當交租
食環署發言人表示，去年共接獲六宗相關投訴，並就違規情況提出十四宗檢控，並證實該兩間食肆去年亦曾被該署按「違例記分制」記下足夠分數而暫時吊銷牌照。接獲本報轉介後再度派員巡查，發現有關食肆非法擴展營業範圍，已向負責人提出檢控。
當區區議員黃舒明指出，店舖阻街問題屬「社區死症」，斥責食環署執法頻密程度不足兼罰則過低，「其實阻街最高刑罰係可以坐監，但就從來都冇案例，依家每次都係罰款了事，佢哋（店舖）咪當交租囉！」