內地水貨客與內地跨境學童問題進一步激發中港矛盾，食物及衞生局局長高永文同教育局局長吳克儉近日分別為奶粉同北區學額不足問題頻頻撲撲，高永文都算係有能力控制場面，未有挑起市民更大嘅不滿情緒。不過，吳克儉就愈幫愈忙，不斷辣着新火頭，尋日又喺電台節目講錯嘢，佢話雙非學童喺香港出世就係香港成員一分子，係未來人口嘅「生力軍」，應該歡迎佢哋及公平對待佢哋喎，隨即被本港家長及網民鬧爆，仲喺網上改圖惡搞佢，所以佢被改花名叫「吳得掂」係有原因嘅。
