田少話：「啊！主席，我唔知有啲咩規程，我要求休息分零鐘，我要去洗手間！」
原來佢唔想因為去咗洗手間而聽唔到公民黨郭家麒嘅發言，又話本來佢諗過可唔可以要求響鐘數人頭，但又唔知會唔會因為咁而搞到流會，所以先至硬住頭皮要求主席休會喎。主席曾鈺成陰陰嘴笑咗幾聲之後，竟然批准咗田少嘅要求，宣布暫停會議十分鐘。
彈起身「我兩分鐘就返嚟」
聽到主席話要休會十分鐘咁耐，田少即時舉起兩隻手指，仲彈起身話：「對唔住，主席，我去洗手間，兩分鐘就返嚟！」佢咁講睇怕驚人以為佢去小便要十分鐘咁耐。亦估計主席批准休會，係因為田少係原動議人，等佢聽晒所有意見後先作最後總結發言。