應變慢安排差 乘客鬧爆

【本報訊】「壞咗冇人怪你呀!但唔該一早通知吖!」北角站因火警封站期間,不少乘客直至抵達車站才獲悉事件,致大失預算,有上班族被害至遲大到,有人稱被職員「老點」,乘客鬧爆港鐵應變差:「錢就識加!服務就愈嚟愈差!」多位議員「圍插」港鐵承諾改善服務「講完就算」,促政府加強監管。

由灣仔入站趕往觀塘送文件的陳女士氣憤稱,她乘列車到北角「飛站」始知冇得過海,只能於鰂魚涌落車搭返金鐘,她炮轟港鐵未有及時通知乘客,「嘥晒我啲時間!」趕往將軍澳返工的北角居民陳小姐聲稱,封站後港鐵有職員「老點」她到鰂魚涌站,不料她狂奔一公里至該站時,才知「被騙」無法過海,累她「跑到身水身汗」兼遲大到。坐輪椅的葉先生則指港鐵「安排好差」,令他在站內上上落落擾攘一番後,終要由友人推往搭的士。

在鰂魚涌附近上學的兩名小五男生,在事件中一度「被困」,要在鰂魚涌站呆等半小時,始能乘車返回北角及過海。由北角搭港鐵往銅鑼灣與友人逛街的吳小姐,受事故影響而遲大到,怒斥:「港鐵安排失當啦!呢帶咁繁忙應該要有接駁巴士啦!」藝人譚炳文昨搭車過海時亦遇上停駛事件,但僥倖等候不久列車服務即恢復。

議員促加強懲罰制度

港鐵又有事故,立法會議員王國興形容事件「豈有此理」,指北角站為交通樞紐,港鐵竟無安排接駁巴士實在無法接受,促政府加強對港鐵的懲罰制度。立法會交通事務委員會副主席范國威及西貢區議員鍾錦麟亦認為,港鐵須檢討緊急接駁巴士服務,及加強職員應變培訓。民間監管公共事業聯委會發言人蔡耀昌狠批港鐵,幾乎每一至兩個月便發生嚴重事故,但應變差劣,「改善服務承諾兌現唔到!只識年年加價!」

第一手消息請下載on.cc東方互動iPhone/iPad/Android/Windows Phone Apps