有時認真講嘅說話都未必係真心話，唔認真講反而係最真嘅，點解？好似財政司司長曾俊華（鬍鬚曾）尋日出席一項有關去年新聞大事回顧嘅活動時，就提到自己心目中嘅大事，當中大部分大事都係圍繞住美國未來經濟及息口對香港嘅影響，叫市民置業要量力而為，總之講來講去都係三幅被。不過，佢心目中嘅最大件事，原來係同普羅市民有同一諗法，就係佢竟然冧莊做多屆財政司司長，莫非佢原先都係諗住打定輸數執包袱離開政府，獲邀留任係意料之外？
