西九文化區又爆笑料，有網民發現即將動工嘅戲曲中心，英文名唔係叫「Chinese Opera Centre」，竟然會採用普通話的拼音法叫「Xiqu Centre」，讀起來差啲以為西九起咗個「私處中心」，專擺意識大膽嘅作品。大部分網民都鬧爆西九管理局媚共賣港，話明明可以用英文譯名，點解要用普通話拼音呢？網民建議集體向西九管理局投訴。
西九管理局公關發言人話，其實呢個名用咗好幾年，仲話「Xiqu」一詞受外國藝術界認同，唔擔心外國人會睇唔明喎。心水清嘅網民即刻四圍搵吓有冇人用過「Xiqu」呢個名，點知發現北京國家大劇院叫「National Centre for the Performing Arts」、中國戲曲學院叫「The National Academy of Chinese Theatre Arts」，但就搵唔到「私處」。連改名都一鑊泡，點令人有信心西九文化區可以搞得好好睇睇呢？