探射燈：奶粉長期缺貨港媽叫苦
「耆英排隊黨」肆虐屋邨商場，就算是有孫兒的婆婆，也甘心成為掃貨兵團，每天賺取數十元外快，而一班公公婆婆更懂得向「蛇頭」爭取加人工。有港媽直指奶粉長期短缺，孩子甚至要轉飲鮮奶，「水貨客無孔不入，依家就奶粉，遲啲可能掃埋尿片同其他日用品，諗起都驚！」
斥搵長者做買手冇道德
育有一名三歲兒子的李太（化名）表示，其奶奶月前在公園被水貨客招攬做奶粉買手，「有三個蛇頭畀現金券佢哋買，佢跟嗰個最孤寒，買任何型號奶粉，每罐都得十蚊，佢哋見到其他人唔止呢個價，就同蛇頭嘈，對方先肯加錢。」李太稱「蛇頭」沒有道德，不應利用長者做奶粉買手。
此外，其他港媽亦在網上討論區大吐苦水，一名即將臨盆的孕婦走遍多間藥房，發覺她將要用的初生嬰兒奶粉均告缺貨，致電奶粉公司預訂，又轉駁至電話留言，感到很無奈。另一名港媽則引述藥房老闆透露，指某隻熱門牌子奶粉「新年前後都可能未有貨賣，市面上有（貨）就要買定睇門口」。