政情：八網難逃：北區區會主席海報錯漏百出

近日網上流傳咗幾張民建聯區議員寫錯字嘅海報，其中該黨北區區議會主席蘇西智提示居民小心門戶嘅海報，唔單止有錯字，有啲字仲寫埋做簡體添，莫非要方便上水居住嘅內地新移民？呢張海報主要提醒住戶小心門戶，慎防賊人爆竊。雖然字數唔多，但就有錯字及簡體字，好似寫錯鐵閘個「鐵」字，外牆個「牆」字就寫咗簡體字，而「手袋掛於門口」就寫咗做「手袋挂於門口」，而釣魚就寫咗「釣漁」。不過，最離譜都係連上水警署電話都打唔通，聽聞被唔少街坊鬧爆，但好彩報警熱線電話九九九冇錯，唔係就大鑊喇。蘇西智回應話，會立即搵人更正海報資料。