特首梁振英尋日喺立法會發表完首份施政報告後，一眾官員隨即離開，好似運輸及房屋局局長張炳良就聯同副局長邱誠武等同事過咗隔籬中信大廈四樓一間酒家，同長遠房屋策略督導委員會成員食飯，順便傾吓施政報告提及嘅房屋政策。不過，最奇怪嘅係，張炳良飯後先離遠同企喺門口嘅記者揮手，然後再喺酒家內搭（車立）落地下大堂，之後又再搭扶手電梯上番一樓，利用行人天橋過番政府總部辦公室，莫非佢想飯後散吓步幫助消化，所以遊梯河？
（陳嘉順攝）
