中環出更：羅寶文行善靠愛犬
富豪集團太子女羅寶文（Poman）出晒名愛錫家中八隻愛犬，佢仲因此獲得靈感，將愛犬化身成卡通公仔Bodhi，投資七位數字創辦本地品牌，推出一系列產品，包括益智讀物、動漫、教學遊戲及平板電腦應用程式等，向兒童灌輸正確價值觀，並捐出產品義賣畀慈善機構，善心滿瀉。
變身卡通人物出動漫
Poman忙於打理酒店生意之餘另闢商機，皆因佢明白卡通對兒童發展影響深遠，所以由此入手，以造型可愛、性格鮮明嘅卡通人物寓教於樂，吸引孩子學習，從而建立良好品德。佢笑言，最難係發展本地動漫，事關坊間不少動漫都充斥暴力血腥，意識比較負面，要喺呢個環境中創立富意義又有娛樂性嘅動漫並唔容易，所以佢凡事都親力親為，仲不時現身幕前，為品牌做生招牌。
事業得意，Poman嘅感情狀況又點呢？佢坦言依家不乏追求者，但真命天子尚未出現，現階段都係順其自然咁話。不過，做得Poman嘅真命天子，睇怕首要條件都係愛犬之人喇。
卓妮