中環出更：搞事四人組飯局好鬼祟
唔知係咪因為年尾團年，定係施政報告就快面世，又到咗攪局嘅時候，城中「搞事四人組」尋晚人齊食飯，佢哋選址中環雲咸街一間商業大廈內嘅上海總會密密斟，地點隱蔽。各人行蹤鬼鬼祟祟，食飯都刻意前後腳到場，話佢哋唔係諗計搞事都無人信。
尋日下午六點幾，疑似患有腦病嘅肥佬黎同太太坐私人座駕到埗。唔知仲以為係兩公婆去「撐枱腳」，後來至揭發唔係兩公婆食飯咁簡單。座上客原來仲有其他人，包括天主教香港教區榮休主教陳日君樞機、民主阿婆陳方安生，以及李柱銘（李漢奸）夫婦。心水清嘅人一睇就知道，「搞事四人組」齊晒腳，唔似係提早食團年飯咁簡單。四人前後腳咁入場，直至坐低食飯，搞事本色終於現晒形。
雞啄唔斷 食足三粒鐘
咁齊人，一定唔慌係閒話家常，「搞事四人組」傾到雞啄唔斷，直至晚上九點幾先捨得走，餐飯食足三粒鐘。大約九點半，肥佬黎太太同細仔走先。五分鐘後，陳日君同三位好友跟尾離開，然後一個箭步走去攞車，轉過頭，輪到陳方安生與李漢奸夫婦走人，兩人並肩落樓，陳方安生急急腳跳上的士鬆人，李柱銘夫婦就行去雲咸街，轉頭消失喺人群中。當眾賓客離開之際，肥佬黎喺九點四十分左右至施施然離開，上番自己架車返屋企早抖。
施政報告後日出爐，搞事嘅人當然要聚一聚，傾傾有乜搞啦，香港唔亂佢哋唔安樂o架嘛。
卓妮