怕好心做壞事
劉夢熊尋日接受電台訪問時話，劉霞至今被軟禁超過兩年，對劉霞情況寄予同情。劉夢熊又批評當局對劉霞軟禁係「於情不合、於理欠通、於法難容」，希望當局可結束軟禁，恢復劉霞自由，以改善國家國際形象。
之不過豪言之後，劉夢熊又補充，佢擔心內地當局屆時會加強保安，令劉霞情況變得更壞。生怕最後會好心做壞事嘅劉夢熊成行與否都仲係未知之數，不過佢話，如果能夠改善劉霞處境，佢就會去做喎。
對着住一條泳褲偷渡來港引以為傲嘅劉夢熊一直都係熱血政協，除咗落力保衞釣魚島外，結石寶寶之父趙連海被判入獄，佢都有參與營救。