棠哥做執行主席嘅香港各界慶典委員會，元旦日搞咗個「新年新希望」遊行，張明敏就上台唱咗兩首歌以示支持活動。不過，張明敏事後總結演出時直言，當日嘅音響效果唔係太好，所以唱得「唔夠過癮」，反建議日後搞同類型活動時，應該倣效喺尖沙咀廣東道舉行嘅除夕倒數，整條街都做好音響效果，令在場嘅所有觀眾都聽得到，氣氛自然熱烈啲喎，唔知棠哥，會唔會真係參考吓佢嘅專業意見呢？
講開張明敏，佢另一個為人熟悉嘅身份就係「梁粉」，但咪以為做「梁粉」就可以有優待，事關佢自爆去年「七‧一」同「十‧一」升旗禮都冇獲邀出席，之後佢試過問當局觀禮安排嘅準則，得到答案竟然係人數太多喎，真係信不信由你喇！