消防栓置路中礙行人
「擺正喺過馬路位正中間，諗下都知會阻住人啦！」馬太日前途經通菜街，發現有消防栓竟設於行人路正中央，不但阻礙行人，更為輪椅使用者造成不便，「我睇住有個婆婆自己推輪椅過馬路，因為條路太多人而見唔到有嗰舊嘢喺度，要即刻煞停、再倒後移先上到行人路，搞到差啲轉埋燈，你話幾危險！」
水務署發言人承認，有關消防栓可能對路人構成影響，已安排將該消防栓遷移至其他合適位置，以減低對途人造成不便，有關工程現已完成。發言人未有提供過往相關投訴數字，僅對市民的意見表示感謝。
「水務署真係後知後覺，都係搵《東方日報》好，話咁快個水龍頭就移開咗！」馬太亦要求當局及早正視消防栓設置不當，而非接獲市民投訴始作跟進。