中環出更：莊偉茵 忙工作 不忘玩樂

以香港為榮獲欣賞

Quince自爆兒時係肥妹仔一名，加上高大嘅身形，予人感覺好惡，男仔都唔係好敢同佢玩。佢讀書時常被調到最後一排坐，慢慢形成沉默寡言嘅自卑性格。出到社會做嘢後，膽子慢慢練大，baby fat漸漸消失，自信心先番晒嚟。

佢又話，自信係發自內心，好似佢比較傳統，覺得「身體髮膚受之父母」，堅持唔修眉、唔釘耳窿、唔脫癦，但一樣散發出美麗。

莊偉茵幼稚園時嘅學生照，清秀可人。（受訪者提供）	八六年莊偉茵（右二）於中文大學畢業，父母（左一及二）及現時已成老公嘅黃楚權齊捧場。	莊偉茵（前）與中電樂隊合作愉快。

講到多年工作中最難忘嘅事，Quince憶述以前喺香港旅遊協會（「香港旅遊發展局」前身）工作的時候，要到世界各地去宣傳香港，有一次去韓國接受當地傳媒訪問，對方問咗佢一句：「你咁叻女，大把工作機會，點解要留喺香港發展？」當時佢答：「因為我生於香港、長於香港，係呢度孕育我，我以香港為榮。」後來佢喺機場等候返港時，有一個韓籍嘅國泰女服務員走過去話好欣賞佢，令佢深深受到感動。

Quince勉勵年輕人，唔一定要含住金鑰匙出世至可以有所作為，其實靠毅力同拚搏，都可以闖出一片天地。佢仲話，一份工有冇趣味，係要靠自己發掘，好似佢自己喺國泰十四年，總共換過四個工作崗位，以保持新鮮感，佢笑言：「如果要我一直做同一個位，我諗我悶死都似！」

卓妮